“Rama: Në zyrat e shtetit ka grabitqarë e parazitë, interneti shmang abuzimet” plus 9 more Gazeta SHQIP
“Rama: Në zyrat e shtetit ka grabitqarë e parazitë, interneti shmang abuzimet” plus 9 more Gazeta SHQIP |
- Rama: Në zyrat e shtetit ka grabitqarë e parazitë, interneti shmang abuzimet
- A doni të qëndroni të rinj? Filloni nga tavolina! (Foto)
- Kisha Katolike i bashkohet nismës për mbjelljen e pemëve
- Në Rrugën e Kavajës më 98 km/h, policia në aksion gjatë natës
- Telefonat inteligjentë në ndihmë të pacientëve të shëndetit mendor
- DASH: Korrupsioni në Shqipëri, i përhapur në të gjitha degët e qeverisjes
- Higuain kushton më shtrenjtë se titullarët e Napolit
- Asnjë profesion i lirë jashtë TVSH nga zero, qeveria i përfshin edhe avokatët
- REFORMIMI I SHTETIT I HAP RRUGË BASHKIMIT KOMBËTAR
- Gjermani, u dha azil 2 mijë personave, punonjësja akuzohet për korrupsion
| Rama: Në zyrat e shtetit ka grabitqarë e parazitë, interneti shmang abuzimet Posted: 21 Apr 2018 01:36 AM PDT
Sipas kreut të qeverisë, në zyrat e shtet ende ka grabitqarë e parazitë që jo vetëm nuk e bëjnë punën e tyre por e vështirësojnë më shumë zgjidhjen për qytetarët. Rama sugjeroi bashkëpunimin e drejtuesve vendorë me qeverisjen qendrore përmes platformës së bashkëqeverisjes, përmes të cilës sipas Ramës synohet të çohen shërbimet në një nivel tjetër. "Qytetarët duhet të marrin vetë mesazhin se nuk duhet të zgjedhin metoda të tjera, por të drejtohet në platformën e vetëqeverisjes dhe brenda 10 ditësh do marrin një përgjigje për problemin e tyre. Interneti është një metodë shumë efikase për të shmangur abuzimet. 21 prill 2018 (gazeta-Shqip.com) |
| A doni të qëndroni të rinj? Filloni nga tavolina! (Foto) Posted: 21 Apr 2018 01:16 AM PDT Plakja është e pashmangshme, por të kërkosh ndihmë është e mundur dhe mund të filloni nga ushqimi. Zbuloni aleatët e çmuar që shërbehen në pjatë Kremra të shtrenjta? Djersë dhe gjak në palestër? Le ta pranojmë: plakja nuk i pëlqen askujt dhe, për hir të së vërtetës, edhe si fjalë tingëllon keq. Eliksiri i jetës së gjatë nuk ekziston ende, por përpjekja për të luftuar dëmet e kohës duke filluar nga ushqimi është pa dyshim një domosdoshmëri dhe shumë e rekomanduar. Shëndeti fillon nga brendësia e organizmit tonë, kështu që ne gjejmë se cilat ushqime janë më të çmueshme që t'i tërheqim për të na siguruar një moshë madhore pa probleme (dhe pa shumë rrudha!)              Një dolli! Njerëz të dashur, dorëzohuni: vera e kuqe duhet të pihet. Në fakt, nektari i perëndive është një aleat i madh kundër sëmundjeve kardiovaskulare dhe jep deri në pesë vjet jetë më shumë. Nuk është rastësi që dieta mesdhetare përfshin disa verëra në mesin e ushqimeve të lejuara. Asnjëherë mos hiqni dorë! E bukur dhe e mirë: frutat e kuqe nuk janë vetëm një delikatesë për shijet e rafinuara. Boronica është e pasur me antioksidantë dhe polifenol, një mburojë e vërtetë kundër plakjes dhe tani është e qartë se po t'i hamë ato në mënyrë rutinore zvogëlojnë rrezikun e zhvillimit të disa sëmundjeve serioze, siç është kanceri dhe diabeti. Nëse duam ta ekzagjerojmë, ne gjithashtu bëjmë një furnizim të mirë edhe me rrush: nuk u pëlqen të gjithëve për shkak të shijes së thartë, por është shumë e shëndetshme, sepse rrit rezistencën e kapilarëve, si dhe është e pasur me flavonoide, anthocyanine dhe vitaminë C. Plot shije dhe antioksidantë. Drithërat: hiqni dorë nga makaronat? Absolutisht jo! Një pjatë e mirë e makaronave, më mirë nëse kokrra është integrale, e spërkatur me vaj ulliri ose me disa domate, i garanton trupit furnizimin e nevojshëm me energji, ashtu siç tregohet në dietën mesdhetare. Jo vetëm në Krishtlindje: frutat e thata janë shumë të çmuara, sepse një grusht në ditë ju ndihmon të jetoni më mirë dhe më gjatë. Pra, le të kujtojmë se nuk është e rekomandueshme vetëm në pushimet e komanduara: bajame, arra, fëstëkë dhe lajthi janë të shkëlqyera për një meze të lehtë për të thyer urinë. Vetëm kujdes: mos e teproni me dozat, nëse doni të ruani linjat, kujtoni që janë ushqime shumë kalorike. Peshqit: përveç të qenit shumë i shijshëm, salmoni është veçanërisht i pasur me omega 3, pra me acide yndyrore që ndihmojnë për të ngadalësuar plakjen. Ne e dimë se omega-3 ndihmon në mbrojtjen e telomereve, pra, deri në skajet e kromozomeve, në të cilën shkurtimi progresiv është i lidhur me plakjen qelizore: në këtë mënyrë, duke mbrojtur teleomeret, do të thotë të qëndroni të rinj për një kohë më të gjatë. Mund të jetë i tymosur, i gatuar, por gjëja e rëndësishme është se salmoni kurrë nuk mungon në tryezën tonë. Ju bëftë mirë! Të mirat e çajit: e pasur me vitamina C, K dhe Grupi B, çaji jeshil, sidomos matcha, ka qenë i njohur për shekuj për përfitime shëndetësore. Përfitimet vijnë kryesisht nga një grup substancash të quajtur catechins, të aftë për rritjen e antioksidantëve mbrojtës, për të luftuar radikalet e lira përgjegjëse për plakjen dhe për të zvogëluar dëmtimin e qelizave në të gjitha indet. Ka prova shkencore që njerëzit që pinë çaj të gjelbër rregullisht tregojnë incidencë më të ulët të hipertensionit, sëmundjeve të zemrës dhe kancerit. A keni nevojë për ndonjë gjë tjetër? 21 prill 2018 (gazeta-Shqip.com) |
| Kisha Katolike i bashkohet nismës për mbjelljen e pemëve Posted: 21 Apr 2018 01:08 AM PDT
Pjesë e revolucioni të gjelbër në Tiranë u bë edhe Kisha Katolike. Kryetari i Bashkisë së Tiranës, Erion Veliaj dhe Arkipeshkvi i Arkidioqezës Metropolitane të Tiranë – Durrësit, imzot George Frendo morën pjesë në mbjelljen e pemëve, ndërsa vlerësuan rëndësinë që ka kjo nisme në përmirësimin e cilësisë klimës dhe ajrit. Kryetari i Bashkisë së Tiranës, Erion Veliaj falënderoi klerin katolik, jo vetëm për pemët që mbolli, por edhe për gjithçka kontribuon që Tirana të jetë më e mirë dhe më solidare. "Unë jam shumë krenar sot për Kishën Katolike, për Imzot Fendon për shërbesën e Kishës Katolike në qytetin tonë, por edhe në gjithë Shqipërinë dhe më vjen mirë që në këtë fushatë të gjithë aktivistët e Kishës Katolike, qoftë ata që shërbejnë në shërbesat fetare apo ata që janë në shërbesat sociale, na janë përgjigjur pozitivisht për këtë fushatë të mbjelljeve. Më vjen mirë që me monsinjor Fendon, ne kemi filluar një traditë ku në vend të mbledhjeve protokollare, ato pak mundësi që janë shkojnë në ndihmë të të varfërve, të atyre që janë persona me aftësi të kufizuar, të komunitetit rom dhe besoj që kemi zbatuar atë këshillë të urtë, ku më i pari ndër ne është ai që shërben më shumë, jo ai që flet më shumë si komandant", tha kryetari i Bashkisë së Tiranës. Arkipeshkvi i Arkidioqezës Metropolitane të Tiranë – Durrësit, Imzot George Frendo vlerësoi angazhimin e kryetarit të Bashkisë së Tiranës për ta bërë kryeqytetin edhe më të bukur. "Unë dëshiroj të përfitoj nga rasti për t'u falënderuar për mbështetjen tuaj. Kur kemi organizuar darkë për të varfrit dhe për personat me aftësi të kufizuar, unë kam pranuar apelin që keni bërë për një qytet plot me gjelbërim sepse gjelbërimi i qytetit është shenjë që është një qytet i gjallë, i bukur. Unë, si keni përmendur ju, Papa Françesku në fakt në veprën e tij mbi mjedisin ka bërë apel që të ruajmë bukurinë e krijimit, por edhe Papa Gjon Pali i Dytë, edhe ai ka bërë shumë herë apel që të ruajmë bukurinë e krijimit dhe t'u lëmë pasardhësve tanë një botë më të bukur. Sigurisht, me angazhimin tuaj për një Tiranë më të bukur do t'i dhuroni gjeneratës së ardhshme një qytet më të bukur", u shpreh Sekretari i Përgjithshëm i Konferencës Ipeshkvnore, Imzot George Fendo. 21 prill 2018 (gazeta-Shqip.com) |
| Në Rrugën e Kavajës më 98 km/h, policia në aksion gjatë natës Posted: 21 Apr 2018 01:05 AM PDT
"Nga kontrollet e kombinuara ne rruget Interurbane dhe Urbane te kryeqytetit, perpos punes dhe penaliteteve administrative e penale, per shkeljet e konstatuara nga efektivet e policise rrugore, akoma evidentohen raste "flagrante" shkeljesh nga perdoruesit e rruges, kryesisht drejtues automjetesh, te cilet pervecse shkelin rregullat e qarkullimit rrugor, manifestojne vetebesim te tepruar gjate drejtimit te mjetit, si drejtimi i mjetit ne nje rruge Urbane me shpejtesi 98 km/h, ku shpejtesia e lejuar eshte jo me shum se 30 km/h, drejtimi i mjetit nen efektin e alkolit ne masen 0.57 mg/l, 0.71 mg/l, 0.88 mg/l, nivel i cili e ul ndjeshem kohen e reagimit te drejtuesit dhe per rrjedhoje rrit rrezikun e perfshirjes se tij ne aksidente rrugore", sqaron policia. Ne rrugen 'Xhorxh W Bush' u verifikua shtetasi me iniciale S.S vjec 47 se drejtonte motomjetin nen efektin e alkoolit ne masen testi i pare 0.65 mg/l testi i dyte 0.71 mg/l. Ne rrugen 'Ferit Xhajko' u verifikua shtetasi me iniciale B.M vjec 55 se drejtonte mjetin nen efektin e alkolit ne masen testi i pare 0.53 mg/l testi i dyte 0.57 mg/l. Ne rrugen 'Selim Brahja' u verifikua shtetasi me iniciale B.T vjec 26 se drejtonte mjetin nen efektin e alkoolit ne masen testi pare 0.81 mg/l testi i dyte 0.88 mg/l. 21 prill 2018 (gazeta-Shqip.com) |
| Telefonat inteligjentë në ndihmë të pacientëve të shëndetit mendor Posted: 21 Apr 2018 12:52 AM PDT
Shfaqjet e çrregullimit bipolar variojnë nga më të lehtat dhe deri tek më të rëndat. Pacientët mund të përjetojnë periudha ekzaltimi dhe depresioni, secila prej tyre me simptomat e saj. Gjatë periudhave energjike, pacientët janë jashtëzakonisht aktivë, flenë më pak gjumë dhe ndonjëherë marrin vendime të rrezikshme. Ndërsa gjendja depresive i bën të qajnë, të qëndrojnë tepër gjatë në krevat, dhe ndonjëherë të mendojnë për vetëvrasjen. Në ato momente, pacientët kanë nevojë që dikush t'u telefonojë. "Kur je në depresion është e vështirë t'u thuash njerëzve se do ndihmë", thotë Peter Hegeland, pacient bipolar. Kompania daneze Monsenso krijoi një aplikacion celulari që mund të analizojë gjendjen shpirtërore dhe sjelljen, si dhe mund të lajmërojë terapistët dhe anëtarët e familjes. Mads Trier-Blom, një nga pacientët bipolarë që po teston aplikacionin, thotë se ndërsa ndjehej i tensionuar, një terapist që monitoronte gjendjen nga larg, telefonoi menjëherë për t'u interesuar. "Parametrat matëse i merr doktorja, e cila më telefonon nëse shikon diçka shqetësuese", thotë zoti Blom. Krahas regjistrimit të sjelljes së pacientit dhe ndërveprimit me të tjerët, aplikacioni kërkon edhe vetëvlerësimin e pacientit. Të gjitha të dhënat krahasohen me dosjen e pacientit në klinikë. Psikiatri suedez Kristoffer Sodersten po e përdor aplikacionin me pacientët e tij. "Këto lloj të dhënash, të kombinuara me vetëvlerësimin, mund të tregojnë nëse ka përputhje apo jo", thotë zoti Sodersten. Pacientët bipolarë që testuan aplikacionin thonë se regjistrimi i hershëm i ndryshimeve në gjendjen e tyre shpirtërore, po i ndihmon të mësojnë si të përballen me simptomat kur ato shfaqen. 21 prill 2018 (gazeta-Shqip.com)/VOA |
| DASH: Korrupsioni në Shqipëri, i përhapur në të gjitha degët e qeverisjes Posted: 21 Apr 2018 12:40 AM PDT
Departamenti i Shtetit thotë se problemet më të konsiderueshme të të drejtave të njeriut në vitin 2017 në Shqipëri, ishin "kufizimet në lirinë e shprehjes dhe të shtypit, përfshirë autocensurën dhe frikësimin e gazetarëve shkaktuar nga interesat financiare dhe politike; dhe korrupsioni i përhapur në të gjitha degët e qeverisë". Për sa u takon zgjedhjeve, raporti i referohet OSBE-së, kur thotë se zgjedhjet respektuan liritë themelore por u ndikuan negativisht nga akuzat për blerje votash dhe presion ndaj votuesve. Në raportin e përvitshëm për të Drejtat e Njeriut thuhet se mosndëshkueshmëria mbeti një problem serioz. "Ndjekja penale dhe veçanërisht gjetja fajtorë e zyrtarëve që kanë kryer shkelje ishte sporadike. Zyrtarët, politikanët, gjykatësit dhe persona me interesa të fuqishme biznesi ishin shpesh në gjendje të shmangnin ndjekjen penale", thuhet në raportin që doli të premten. Departamenti i Shtetit thotë se gjatë vitit 2017, "korrupsioni ishte i përhapur në të gjitha degët e qeverisjes" në Shqipëri. "Mes janarit dhe gushtit, zyra e Prokurorit të Përgjithshëm regjistroi 185 hetime të reja korrupsioni. Gjatë së njëjtës periudhë, 122 persona dolën në gjyq për shkelje të lidhura me korrupsionin dhe 99 u shpallën fajtorë", thuhet në raport. "Ndërsa prokurorët shënuan përparim të konsiderueshëm në ndjekjen e rasteve të korrupsionit në nivele të ulëta, përfshirë prokurorë dhe gjykatës të korruptuar, ndjekja penale e krimeve të niveleve më të larta nuk po ndodh, për shkak të frikës së hetuesve për hakmarrje, një mungese të përgjithshme burimesh dhe korrupsionit brenda vetë gjyqësorit", thuhet në raport. Probleme të ngjashme përmenden edhe për gjyqësorin. "Presioni politik, frikësimi, korrupsioni i përhapur dhe burimet e kufizuara disa herë nuk e lejuar gjyqësorin të funksiononte në mënyrë të pavarur dhe efektive", thuhet në raport. Po ashtu thuhet se politizimi i emërimeve në Gjykatën e Lartë dhe atë Kushtetuese vunë në rrezik pavarësinë dhe integritetin e këtyre institucioneve dhe se Ministria e Drejtësisë nuk mori masa të duhura disiplinare ndaj gjykatësve. Në raport thuhet se në përgjithësi autoritetet mbajtën kontroll efektiv mbi policinë, Gardën e Republikës, forcat e armatosura dhe shërbimin e zbulimit, "megjithëse zyrtarët herë pas here përdorën burime shtetërore për përfitime personale dhe pjesëtarë të forcave të sigurisë kryen shkelje". "Policia jo gjithmonë e zbatoi ligjin në mënyrë të balancuar. Lidhjet personale, ato politike ose kriminale, infrastruktura e dobët, mungesa e paisjeve ose menaxhimi i papërshtatshëm kontribuan në korrupsionin e vazhdueshëm dhe sjellje joprofesionale. Autoritetet vazhduan të bëjnë përpjekje për t'i trajtuar këto probleme duke riparuar ambjentet e policisë, duke marrë automjete më të reja dhe duke nxjerrë në pah masat antikorrupsion", thuhet në raport. Sipas raportit, mosndëshkueshmëria mbeti një problem serioz, "megjithëse qeveria shtoi përpjekjet për ta trajtuar, veçanërisht duke rritur përdorimin e pamjeve filmike për të dokumentuar dhe për të ndjekur penalisht shkeljet e policisë". Megjithëse qeveria kishte mekanizma për të hetuar dhe dënuar abuzimet dhe korrupsionin, korrupsioni i policisë vazhdoi të mbetej problem. Për sa i takon lirisë së shprehjes dhe së medias, raporti thotë se qeveria në përgjithësi i respektoi këto të drejta, por shton se pati njoftime se qeveria, bizneset dhe grupet kriminale u përpoqën të ushtrojnë ndikimi tek media në mënyrë të papërshtatshme. "Media e pavarur ishte aktive dhe shprehu një larmi të gjerë pikëpamjesh, megjithëse pati disa përpjekje për të ushtruar presion direkt dhe indirekt politik dhe ekonomik ndaj medias, përfshirë kërcënime dhe dhunë ndaj gazetarëve që punonin për histori investigative për krimin dhe korrupsionin", thuhet në raport. Po ashtu "presioni politik, korrupsioni, mungesa e fondeve e ndrydhën median e pavarur të shkruar" dhe problem mbeti autocensura. 21 prill 2018 (gazeta-Shqip.com)/ VOA |
| Higuain kushton më shtrenjtë se titullarët e Napolit Posted: 21 Apr 2018 12:29 AM PDT
Bardhezinjtë dhe skuadra e Sarrit do të diskutojnë një sfidë që mund të jetë vendimtare për titullin kampion, kur kanë mbetur edhe 5 ndeshje nga fundi i sezonit. Sa i përket fushës së lojës, të gjithë janë të mendimit që kjo është një sfidë pa favoritë, pasi nga njëra anë Napoli i Sarrit është etiketuar si një nga skuadrat që luan futbollin më të bukur në botë dhe nga ana tjetër, bardhezinjtë e Allegrit shquhen për racionalitetin e skajshëm që tregojnë në fushë, pasi fitojnë edhe atëherë kur vuajnë shumë. Gjithsesi, në letër Juventusi nuk ka rival, pasi po të shikosh paratë e shpenzuara për kompletimin e skuadrës, vetëm Higuain ka kushtuar më shtrenjtë se formacioni i napolitanëve. Sulmuesi argjentinas u ble pikërisht nga Napoli, për shumën e 90 milionë eurove, ndërsa titullarët e Sarrit kanë kushtuar të gjithë bashkë 82.3 milionë euro. Ja sa kanë kushtuar futbollistët titullarë të Napolit: 21 prill 2018 (gazeta-Shqip.com) |
| Asnjë profesion i lirë jashtë TVSH nga zero, qeveria i përfshin edhe avokatët Posted: 21 Apr 2018 12:24 AM PDT
Qeveria ka miratuar vendimin "Për dispozitat zbatuese të ligjit nr.92/2014 për Tatimin mbi Vlerën e Shtuar në Republikën e Shqipërisë" të ndryshuar ku përcakton mes të tjerash edhe një herë se profesionet e lira përfshihen në skemë nga qarkullimi zero. "Kufiri minimal i regjistrimit për TVSH-në për personat e tatueshëm, që ofrojnë shërbime në veprimtari ekonomike, sipas profesioneve të tilla si: avokat, noter, mjek i specializuar, dentist, dentist i specializuar, farmacist, infermier, veteriner, arkitekt, inxhinier, mjek-laborant, projektues, ekonomist, agronom, ekspert kontabël i regjistruar, kontabilist i miratuar dhe vlerësues i pasurisë, pavarësisht nga qarkullimi vjetor i tyre, është zero. Të gjithë këta janë persona të tatueshëm, të regjistruar për TVSH-në, edhe nëse kryejnë veprimtari të përjashtuar sipas ligjit" thuhet në pikën 2 të vendimit. Për shumicën e profesionistëve të lirë ky vendim nuk sjell asnjë ndryshim dhe vendimi lidhet më shumë me përfshirjen edhe një herë të avokatëve në skemë duke nisur nga xhiroja zero. Këta të fundit deri më 1 prill ishin jashtë saj nëse qarkullimin vjetor e kishin deri nën 5 milionë lekë. Përplasja e qeverisë e avokatët Më 29 dhjetor 2014, Këshilli i Ministrave miratoi një vendim "Për dispozitat zbatuese të ligjit nr.92/2014 'Për Tatimin mbi Vlerën e Shtuar në Republikën e Shqipërisë'" të ndryshuar. Në këtë vendim, në nenin 11 bëhen dy përcaktime, së pari që kufiri minimal i regjistrimit për Tatimin mbi Vlerën e Shtuar është qarkullimi prej 5 milionë lekësh në vit, përveç rasteve që përcaktohen në pikën 2 të nenit. Pikërisht kjo pikë përcakton një listë me të paktën 18 kategori që TVSH-ja u fillon nga zero pavarësisht xhiros. "Personat e tatueshëm, që ofrojnë shërbime në veprimtari ekonomike sipas profesioneve të tilla si: avokat, noter, mjek i specializuar, dentist, dentist i specializuar, farmacist, infermier, veteriner, arkitekt, inxhinier, mjek-laborant, projektues, ekonomist, agronom, ekspert kontabël i regjistruar, kontabilist i miratuar dhe vlerësues i pasurisë si dhe kryejnë veprimtari ekonomike në fushën e hotelerisë, pavarësisht nga kufiri minimal i regjistrimit për TVSH-në është zero dhe të gjithë janë persona të tatueshëm të regjistruar për TVSH-në, edhe nëse kryejnë veprimtari të përjashtuar sipas ligjit" thuhet në vendim. Në korrigjimin që qeveria bëri vitin e kaluar, në vendimin 953, përcaktohet kufiri i ri minimal për regjistrimin në TVSH që është 2 milionë lekë, ndërkohë që profesionet e lira deklarojnë nga zero me përjashtim të avokatëve të cilët e fituan këtë të drejtë kur Dhoma Kombëtare e Avokatëve ankimoi ligjin në Gjykatën e Lartë. Në korrik, kjo e fundit vendosi për rrëzim të pjesshëm, duke i dhënë të drejtë avokatëve në ankesën e tyre. Në argumentin e Gjykatës rreshtoheshin disa pika, ku mes të tjerave fakti që Këshilli i Ministrave nuk ka kompetencën për të përcaktuar kategoritë që përjashtohen apo futen në TVSH, por vetëm përcaktimin e kufirit minimal. Gabimin e bërë në vendimin e mëparshëm që u rrëzua pjesërisht nga Gjykata e Lartë, qeveria e korrigjoi në ndryshimet që i bëri ligjit për "Tatimin mbi Vlerën e Shtuar" që ishte pjesë e paketës fiskale. Tashmë pika 2 e nenit 117, në ligjin për TVSH-në, është riformuluar duke i lënë atributet e përcaktimit të kategorive dhe kufirit Këshillit të Ministrave. "Kufiri minimal i regjistrimit për TVSH-në, rastet e përjashtimit apo kufiri minimal i regjistrimit për kategori të veçanta, përcaktohen me vendim të Këshillit të Ministrave", thuhet në ligj. Ky përcaktim i ri rrëzon argumentin e mbrojtjes së avokatëve në Gjykatën e Lartë. Ndaj avokatët qëndruan jashtë TVSH-së deri më 1 prill 2018 nëse kishin qarkullim më të vogël se 5 milionë lekë, por tashmë kanë nisur regjimin njëlloj si 16 grupet e tjera. 21 prill 2018 (gazeta-Shqip.com) |
| REFORMIMI I SHTETIT I HAP RRUGË BASHKIMIT KOMBËTAR Posted: 21 Apr 2018 12:18 AM PDT
Spartak Ngjela Reforma në Drejtësi i prin reformës institucionale të shtetit shqiptar. Reforma institucionale e shtetit shqiptar i çel rrugën bashkimit kombëtar shqiptar. Kjo është sot ecuria e zhvillimit të ri të shtetit shqiptar dhe të gjithë botës shqiptare në Ballkanin Perëndimor. Në të vërtetë Reforma në Drejtësi do të eliminojë të gjithë klasën politike të korruptuar duke nisur nga kryeministrat. Po ta shohësh me vëmendje, vetë Reforma në Drejtësi është e strukturuar, edhe institucionalisht por edhe ligjërisht, që të eliminojë nga drejtimi i shtetit shqiptar krejt një klasë politike të korruptuar. Sigurisht që në dhjet njëzet vjetët e fundit janë disa korrupsione kryeministrorë që kanë akaparuar gjendjen korruptive në Shqipëri, por sipas metodës moderne të goditjes së krimit shtetëror gjithçka duhet të fillojë nga kryeministri aktual, Rama. Në fakt kjo është edhe metoda më morale e goditjes, sepse në Shqipëri goditja antikorrupsion do të jetë drastike. Por eliminimi së pari i kryeministrit aktual Rama, sigurisht që e bën më morale goditjen e kryeministrave të tjerë, autorë të vërtetuar të korrupsionit kryeministror shqiptar. Në të njëjtën kohë, edhe klasa politike do të shpëtojë nga uzurpimi që Berisha dhe Rama i kanë bërë Partisë Demokratike dhe Partisë Socialiste .Kjo sepse të dy këta i kanë uzurpuar të dyja partitë me anë të mekanizmit të korrupsionit. Rënia e korrupsionit kryeministror, kryeministrat e korruptuar dhe ministrat e korruptuar, çliron dhe të dy partitë e mëdha nga zgjedha korruptive që po i sundon. Likuidimi i korrupsionit kryeministror shqiptar krijon premisat reale të fillimit të procesit të bashkimit kombëtar shqiptar. Historia jonë po rifillon. 21 prill 2018 (gazeta-Shqip.com) |
| Gjermani, u dha azil 2 mijë personave, punonjësja akuzohet për korrupsion Posted: 21 Apr 2018 12:00 AM PDT
Zyra Federale për Migrimin dhe Refugjatët me sa duket është e prekur nga një skandal korrupsioni. Një punonjëse me post drejtues ka marrë vendim pozitiv për rreth 2000 raste azilkërkimi, pa bazë juridike. Qeveria gjermane ka nisur hetime kundër një punonjëseje të Zyrës Federale për Migrimin dhe Refugjatët (BAMF). Ka hetime kundër personave të veçantë për shkak të një “dyshimi të konsiderueshëm”, tha zëdhënësi i qeverisë, Steffen Seibert në Berlin. Ministria Federale e Brendshme plotësoi se një nëpunëse civile e prekur është liruar nga detyrat e saj. Hollësi nuk u dhanë, për shkak të procedurës në vazhdim. Azilkërkuesit qenë kryesisht jezidë Sipas raporteve të mediave, punonjësja e BAMF-it e degës së Bremenit ka miratuar në më shumë se 2000 raste kërkesa për azil, megjithëse kjo nuk justifikohej nga parakushtet. Në rastin e azilkërkuesve thuhet se në pjesën më të madhe bëhet fjala për jezidë. Krahas nëpunëses së BAMF-it në hetimet e prokurorisë së Bremenit besohet se janë përfshirë tri avokatë dhe një përkthyes. Nëse janë paguar me të vërtetë para, kjo nuk është e qartë. Por të paktën nëpunësja civile besohet se ka marrë subvencione në formën e ftesave në restorante. Më parë ishte fjala për 1200 raste. Ndërkohë thuhet se hetuesit flasin për rreth 2000 raste në vitet 2013 deri 2017. Vetëm 98 e kërkesave qenë në kompetencën e degës së Bremenit të BAMF-it. Azilkërkuesit thuhet se kryesisht nuk qenë nga Bremeni, por nga Saksonia e Poshtme dhe nga Rini Verior-Vestfalia. Deri tani nuk ka qëndrim të BAMF-it Hetuesit bënë të ditur se në ditët e kaluara kanë kontrolluar në këtë kuadër tetë objekte në Bremen dhe në Saksoninë e Poshtme, midis tyre shumë zyra kancelarore. Akuza është për ryshfet dhe nxitje për të paraqitur lutje të manipuluara për azil. Një zëdhënëse e BAMF-it tha se janë urdhëruar “verifikime të rregullave dhe të anulimeve”. Sekretari i brendshëm i shtetit Stephan Mayer i tha rrjetit redaksional Gjermania, se miratimet e kërkesave për azil të nxjerra në Bremen do të verifikohen sa më shpejt që të jetë e mundur dhe në rast nevoje do të anulohen. Kuota e pranimit të kërkesave për azil për jezidët nga Siria, në vitin 2016 në Gjermani ka qenë gjithsesi 92 deri 96 për qind. 21 prill 2018 (gazeta-Shqip.com) DW |
Kryeministri Edi Rama ishte sot në Fier ku zhvilloi një takim me drejtues vendorë e qendrorë për të folur lidhur me çështjet e punësimit, reformën e tokës dhe ujit.
18 leje drejtimi janë pezulluar për shpejtësi tej normave te lejuara, tre drejtues mjetesh janë vënë në pranga per drejtim mjeti ne gjendje te dehur ne masen 0.57 mg/l dhe 0.71 mg/l dhe 0.88 mg/l dhe 10 leje drejtimi te pezulluara per drejtim mjeti nen efektin e alkoolit. Ky është bilanci i aksionit të ndërmarrë nga policia e rrugore e kryeqytetit gjatë natës.
Rreth 1% e popullsisë së botës ka sëmundjen mendore të quajtur çrregullimi bipolar, që karakterizohet nga zhvendosja ndërmjet një gjendjeje të mirë shpirtërore dhe depresionit. Në shumicën e rasteve, ndërhyrja në kohën e duhur nga psikoterapistët, familjarët dhe miqtë mund t'i lehtësojë simptomat. Shkencëtarët në Danimarkë thonë se teknologjia moderne mund të ndihmojë duke gjurmuar simptomat e pacientit dhe duke lajmëruar për ndihmë në kohën e duhur.
Në prag të kryesfidës së Serisë A, mes Juventusit dhe Napolit, që do të luhet të dielën në mbrëmje në 'Allianz Stadium', vëmendja ndaj kësaj ndeshjeje po bëhet gjithmonë e më e madhe.
| You are subscribed to email updates from Gazeta SHQIP Online. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
