Tirana Observer: “Real mposht Valencia-n, Ronaldo më i miri i të gjitha kohërave” plus 9 more |
- Real mposht Valencia-n, Ronaldo më i miri i të gjitha kohërave
- Ilir Meta – I ri, me karrierë të gjatë e jo pa gurë rrugës
- Moggi rrëfehet tek italianët: Te Partizani, prej 5 muajsh. Unë e ngjita në krye
- EMRAT/ Lista zyrtare e kandidatëve për deputetë të LSI-së në Tiranë
- Lista e kandidatëve e partisë “Sfida për Shqipërinë” të Gjergji Bojaxhiut
- Francë, kandidatja për presidente Marine Le Pen sulmon Zinedine Zidane
- EMRAT/ Lista zgjedhore e PS, Rama lë jashtë një pjesë të grupit parlamentar
- Vasili: Me apo pa Metën, LSI për 10 vitet e ardhshme forcë e qëndrueshme
- Spartak Braho i LSI-së, kandidat në listat e PS-së
- Kina dhe Evropa bashkëpunim për ndërtimin e një baze në Hënë
| Real mposht Valencia-n, Ronaldo më i miri i të gjitha kohërave Posted: 29 Apr 2017 09:31 AM PDT Parashikohej një ndeshje delikate për Real Madrid, dhe ashtu doli. Djemtë e Zinedine Zidane arritën të dalin me një fitore të ngushtë 1:0, megjithëse kishin shumë mundësi për ta 'vrarë' ndeshjen, duke përfshirë edhe një penallti të Cristiano Ronaldo. Vendasit e filluam me një ritëm të lartë lojën në kërkim të zhbllokimit të rezultatit, por ishin vizitorët ata që trembën "Bernabeu-n" duke goditur shtyllën me anë të Mina. Real kontrollon lojën dhe goli që vjen në mesin e pjesës së parë është i paevitueshëm. Dani Carvajal, i cili po kalon një moment fantastik në krahun e djatthë, jep një top fantastik për Cristiano Ronaldo i cili godet me kokë duke zhbllokuar rezultatin. Ky ishte goli i 367-të i portugezit, duke u bërë kështu lojtari që ka shënuar më shumë gola në gjashtë kampionatet elitare evropiane. Një legjendë! Pas golit Real vazhdoi të kontrollonte lojën duke krijuar edhe raste të tjera për të shënuar por sulmuesit e Los Blancos humbasin shumë para portës kundërshtare. Pas pushimit ishte sërish Ronaldo ai që kishte mundësi të dyfishonte rezultatin me anë të një penalltie, por goditja e tij pritet nga Diego Alves. Valencia në fund të takimit arrin të barazojë rezultatin me një gol të bukur nga një goditje dënimi. Real nuk mund të pajtohet me rezultatin dhe hidhet në sulm, dhe është Marcelo që arrin të gjejë golin e avantazhit pak minuta përpara përfundimit të ndeshjes kur futet në zonë dhe godet me të djathtën.
|
| Ilir Meta – I ri, me karrierë të gjatë e jo pa gurë rrugës Posted: 29 Apr 2017 09:11 AM PDT “Ëndërroja të bëhesha pedagog, zgjidhem President falë demokracisë”, tha Ilir Meta pas zgjedhjes si president. Presidenti i ri theksoi, se do t’i kushtojë vëmendje zgjidhjes së krizës aktuale politike në Shqipëri. Pas tri muajsh, më 24 Korrik, Ilir Meta, kryetari i Kuvendit do të bëjë betimin dhe do të ulet në karrigen e Presidentit të Shqipërisë. Në fjalën e tij të premten (28.04.) në Parlament, pas zgjedhjes së tij me 87 vota pro nga 89 deputetë të pranishëm në sallë nga 140 gjithsej, Meta ia dedikoi demokracisë shansin e tij për të qenë kreu i shtetit. “Kur isha student ëndrra ime maksimale ishte të bëhesha pedagog. Atëherë ishte e vështirë të ëndërroje të bëheshe deputet, ministër, kryetar kuvendi dhe sot President. Kjo erdhi falë demokracisë", tha ai. Në vendin e duhur, në kohën e duhur Vitet e studentit të Ilir Metës i përkasin 4-vjeçarit të fundit të regjimit komunist. Vështirë se në Shqipëri gjen raste të tjera të brezit të tij, të kenë një karrierë të tillë politike vetëm Ilir Meta: 48-vjeçar bëhet President i Republikës, më i riu ndër presidentët e deritanishëm. Në 25 vite ai ka ngjitur shkallët e politikës dhe ka menaxhuar me menҫuri dhe gjakftohtësi të papriturat e tyre. Sot Ilir Meta është një nga politikanët më të rëndësishëm dhe më me peshë në Shqipëri. I lindur në 1969 në Skrapar, si adoleshent vjen në Tiranë, nxënës në gjimnazin e njohur “Sami Frashëri" të kryeqytetit, student në Fakultetin e Ekonomisë Politike në Universitetin e Tiranës, Ilir Meta nisi karrierën politike në 1990-ën me pjesëmarrjen në Lëvizjen Studentore të Dhjetorit, që solli përmbysjen e regjimit komunist . Në Parlamentin e parë pluralist, të dalë nga zgjedhjet e vitit 1992, Ilir Meta 21-vjeçar, zgjidhet deputet i PS, themelon Forumin e Rinisë Euro-Socialiste, mbetet deputet në të gjitha legjislaturat e deritanishme dhe që nga 2013 kryetar i parlamentit. Në vitin 1999, në moshën 30 vjeçare është kryeministër, post që e mban deri në vitin 2002. Në vitin 2004 kritikon ashpër Fatos Nanon, kryeministër dhe kryetar i PS, për mungesë transparence në drejtimin e partisë dhe qeverisë. Shkëputet nga PS dhe qeverisja e saj, ku kishte mbajtur poste të rëndësishme drejtuese, dhe me mbështetësit e tij krijon Lëvizjen Socialiste për Integrim (LSI) një forcë e majtë, që vit pas viti zuri vendin e vet, si Poli i Tretë në skenën politike të Shqipërisë. Në rotacionet politike të 8 vite të fundit LSI luajti rol të rëndësishëm në qeverisjen e dy partive kryesore, PD-PS. Në vitin 2009 , kur Shqipëria mund të binte në krizë politike, pasi PD që fitoi zgjedhjet e parlamentare të rradhës nuk i kishte votat e duhura për të formuar e vetme qeverinë, LSI u përfshi në koalicionin qeverisës. Meta mori postin e Zv.Kryeministrit dhe ministri të Jashtëm, duke krijuar për herë të parë në Shqipërinë demokratike modelin e bashkëqeverisjes së të majtës me një koalicion forcash të qendrës së djathtë. Bashkëqeverisja 4 vjeçare me PD duket se mund ta bëjë Ilir Metën një president konsensual edhe pse PD nuk ia dha votën. Stabiliteti, siguria, e ardhmja europiane – prioritete të Metës President Në 25 vjet të karrierës së tij politike Ilir Meta ka mbajtur poste të rëndësishme partiake dhe në qeverisje: ka shërbyer si ministër i Jashtëm, i Integrimit, Ekonomisë, Tregtisë dhe Energjisë. Zgjedhja e tij si President u mbështet fuqishëm nga PS, me të cilën LSI bashkëqeveris që nga viti 2013, pas dështimit të njëpasnjëshëm të maxhorancës qeverisëse në tre raunde për të paraqitur kandidatura pasi u përpoq më kot të përfshijë në proces opozitën, e cila që prej dy muajsh ka bojkotuar parlamentin dhe vazhdon protestën në ҫadrën përballë kryeministrisë duke kërkuar dorëheqjen e kryeministrit Rama dhe filluar të hënën më 1 maj mosbindjen civile në të gjithë vendin. Meta e konsideron krizën aktuale politike dhe bojkotin e opozitës si faktorët e rëndësishëm që ai pranoi të zgjidhet President. "Rrethanat më dhanë këtë mundësi. Ndaj unë do të bëj çdo gjë me të gjitha cilësitë e mia për të justifikuar besimin që më dhatë. Jo vetëm para jush, por para të gjithë qytetarëve shqiptarë, para Kushtetutës së Republikës së Shqipërisë, para interesave më të rëndësishme që kanë të bëjnë me stabilitetin, me sigurinë kombëtare dhe me të ardhmen europiane të vendit” tha Ilir Meta, mbrëmë në Parlament. Meta kërkon konsesus Premisat për destabilizim nuk mungojnë aktualisht në Shqipëri. Duke iu referuar ngjarjeve të dhunshme në Parlamentin e Maqedonisë ai theksoi se "Duhet të përpiqemi të gjejmë konsensus që Shqipëria të mos bëhet si Maqedonia”. Dhe ai ka gjasat për t’i dhënë karburantin e duhur arritjes së konsensusit për marrëdhëniet që ka ngritur me PD. I ҫliruar nga akuzat si i korruptuar në prag të fillimit të vettingut. Zgjedhja e tij rikonfirmoi vendimin e Gjykatës së Lartë, në janar të vitit 2012, kur ai mbante postin e zv.kryeministrit dhe ministrit të Jashtëm në qeverinë me kryeministër Berishën, e cila e nxorri të pafajshëm nga akuza e korrupsionit dhe abuzimit me detyrën, të një prej ministrave të tij për ndërhyrje në një tender dhe ofertë për rryshfet. Analistë të pavarur të Tiranës e shohin angazhimin e Ilir Metës si një periudhë tranzitore pas të cilës ai do të rifutet në politikë./DW |
| Moggi rrëfehet tek italianët: Te Partizani, prej 5 muajsh. Unë e ngjita në krye Posted: 29 Apr 2017 09:04 AM PDT Luciano Moggi kthehet në futboll. Ish-menaxheri i përgjithshëm i Juventusit është shfaqur te Partizani i Tiranës, ndërsa për "Tuttomercatoweb.com", ai pranoi të komentojë mbi këtë aventurë të re: "Kam qenë duke punuar me ta prej pesë muajsh, unë e kam udhëhequr ekipin drejt vendit të parë në kampionat. Jam këshilltar i presidentit." Pyetjes se si është futbolli në Shqipëri, Luciano Moggi iu përgjigj: "Nuk është profesional si tek ne, ka dy ekipe të mira, por nuk mund të shkojë "dorë për dore" me futbollin tonë. Duhet thënë se lojtarët shqiptarë përshtaten shumë mirë në kampionatin italian." |
| EMRAT/ Lista zyrtare e kandidatëve për deputetë të LSI-së në Tiranë Posted: 29 Apr 2017 06:50 AM PDT Kreu i LSI-së Ilir Meta ka bërë publike listën zyrtarë të deputeteve të partisë së tij në Tiranë. Deri në numrin 10 kjo është renditja siç e deklaroi kreu i LSI-së Ilir Meta. Lista e LSI-së ka edhe emra të tjerë për kandidatë në zgjedhje, emra që do të bëhen publik në një deklaratë të plotë. EMRAT E LSI PER TIRANEN: 1- Klajda Gjosha 2- Kejdi Mehmetaj 3- Florida Kërpaçi 4- Endrit Brahimllari 5- Luan Rama 6- Klejdi Pojana 7- Ardi Çela 8- Ejona Bixha 9- Ylli Shehu 10- Edmond Rrushi 11- Ralf Gjoni 12- Rea Kotani 13- Adela Karapici 14- Petrit Vargu 15- Dejana Kallogjerovic 16- Fjona Dani 17- Kristi Xherahu 18- Fatos Kaja 19- Linda Karadaku 20- Kevin Popi 21- Edmond Stojku 22- Ramazan Gjuzi 23- Fatjona Halilaj 24- Ira Vejsiu 25- Tea Islamaj 26- Bora Papanajoti 27- Anxhela Poci 28- Sidjola Basho 29- Rigels Gjikllima 30- Sara Lleshi 31- Erklend Krifsa 32- Muharrem Berisha 33- Agron Xhafa 34- Gajtano Doci 35- Amela Shkoza 36- Ana Hazizaj |
| Lista e kandidatëve e partisë “Sfida për Shqipërinë” të Gjergji Bojaxhiut Posted: 29 Apr 2017 06:06 AM PDT "Sfida për Shqipërinë" subjekti politik i themeluar nga Gjergji Bojaxhi dorëzoi sot në KQZ listën e kandidatëve për deputetë të zgjedhjeve të dekretuara nga presidenti për tu mbajtur më 18 qershor 2017. Bojaxhi thotë se për herë të parë, kandidatët e një partie nuk do të dalin nga pazaret politike. Lista e kandidatëve për deputetë të partisë "Sfida për Shqipërinë": TIRANE Gjergj Aleksandër Bojaxhi DIBER Artan Cami DURRES 1. Olsi Agalliu BERAT KUKES Eugena Dellani LEZHE Gjystina Golloshi SHKODER Ridson Noka FIER Luan Tato VLORE Jonid Dhrami GJIROKASTER Ilir Alimema ELBASAN Odisela Balla KORCE |
| Francë, kandidatja për presidente Marine Le Pen sulmon Zinedine Zidane Posted: 29 Apr 2017 06:04 AM PDT Kandidatja e ekstremit të djathtë për zgjedhjet presidenciale në Francë, Marine Le Pen, iu përgjigj trajnerit të Real Madridit, Zinedine Zidane, i cili kishte folur kundër saj përpara raundit të dytë, ku ajo përballet me social-liberalin Emmanuel Macron. Ajo nënvizoi se ajo që ka thënë dje Zidane nuk e ka befasuar, nisur "nga ajo që fiton". "Me atë që ka fituar, nuk është çudi, – tha Le Pen në një intervistë me kanalin televiziv "BFMTV", kur u pyet në lidhje me pozicionin e trajnerit francez në zgjedhjet presidenciale. Unë mendoj se Zidedine Zidane ka kapital të mjaftueshëm financiar, ndaj do që zgjedhjet të fitohen nga Macron, sepse kështu shpëton pasurinë që ka fituar në sajë të talentit të tij". Këto fjalë shërbyen si një përgjigje ndaj deklaratave nga ish-lojtari ndërkombëtar francez, i cili bëri thirrje për të "shmangur në maksimum Frontin Kombëtar në raundin e dytë të zgjedhjeve presidenciale në Francë, më 7 maj, sepse ekstremet nuk janë asnjëherë të mira". |
| EMRAT/ Lista zgjedhore e PS, Rama lë jashtë një pjesë të grupit parlamentar Posted: 29 Apr 2017 06:01 AM PDT Kryesia e PS do të mblidhet sot nën drejtimin e kryesocialistit Edi Rama për t'u dhënë fund hamendësimeve rreth renditjes së kandidatëve në listat për zgjedhjet e 18 qershorit. Në krye të listave janë drejtuesit politikë të Partisë Socialiste që kanë ndjekur nga afër organizimin elektoral të saj për këto zgjedhje. Deputetët që mbetën jashtë Valentina Leskaj Besnik Bare Ledi Shkreli Luljeta Arapi Bujar Çela Namik Dokle Tom Doshi Mimoza Hafizi Ben Blushi Ilir Xhagolli Vexhi Muçmata Shkëlqim Cani Artan Gaci Esmeralda Shkjau Klodiana Spahiu Eduard Bejko Alfred Peza Ylli Ziçishti Vladimir Kosta Deputetët që futen Fadil Nasufi Safet Gjici Keti Bazhdari Megi Ajtyresa Alket Hyseni Milva Ekonomi Ardian Çela Natasha Paço Elisa Spiropali Koli Bele Ogerta Manastirliu Elona Gjebrea Sadri Vorpsi Mirela Kumbaro |
| Vasili: Me apo pa Metën, LSI për 10 vitet e ardhshme forcë e qëndrueshme Posted: 29 Apr 2017 05:51 AM PDT Nga qyteti i Fierit, Petrit Vasili garantoi të gjithë anëtarët e LSI-së se kjo forcë politike do ecë para, me apo pa Ilir Metën. Ai ka premtuar se për 10 vitet e ardhshme LSI-ja do jetë një forcë politike e qëndrueshme. "Me apo pa Ilir Metën LSI tashmë është një forcë politike e konsoliduar dhe tashme i ka hedhur bazat e saj. Edhe për 10 vitet e ardhshme LSI do të jetë një forcë e qëndrueshme", deklaroi Vasili. |
| Spartak Braho i LSI-së, kandidat në listat e PS-së Posted: 29 Apr 2017 05:47 AM PDT Njësoj si në vitin 2013 në listat e kandidatëve për deputetë të Partisë Socialiste pritet të ketë edhe emra nga LSI-ja. Spartak Braho, një emër shumë i rëndësishëm i LSI-së do të kandidojë në listat e Partisë Socialiste. Ai do të kandidojë në Tiranë, bashkë me disa emra të tjera të PS-së. Kjo lëvizje shikohet si një përpjekje që dy partitë të formojnë një koalicion paszgjedhor mes tyre. |
| Kina dhe Evropa bashkëpunim për ndërtimin e një baze në Hënë Posted: 29 Apr 2017 05:20 AM PDT Kanë kaluar shumë vite që kur njeriu i fundit ka qenë në Hënë por ato mund të kthehen përsëri nëse bisedimit midis Kinës dhe Evropës shkojnë mirë. Përfaqësuesit e Kinës dhe Agjensisë Hapësinore Evropiane po diskutojnë mbi mundësitë e ndërtimit të një baze në Hënë dhe kanë hartuar projektin "Village Moon". "Kinezët kanë një program ambicioz për Hënën,"-ka thënë Pal Hvistendahl, zëdhënës i ESA. "Hapësira ka ndryshuar që nga vitet '60. Ne e pranojmë se për të eksploruar hapësirën për qëllime paqësore, na duhet një bashkëpunimin ndërkombëtar". "Village Moon" do të ketë një sërë funksionesh pasi do të shërbejë si bazë për dërgimin e misioneve në Mars, për të zhvilluar turizmin hapësinor dhe minierat në Hënë. Hëna mund të përdoret si vend për të prodhuar objekte të ndryshme, duke ulur në këtë mënyrë koston e dërgimit të materialeve në hapësirë. |
| You are subscribed to email updates from Tirana Observer. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
Lexo edhe:
