Ora News: “Mjeti përplas për vdekje të moshuarën pranë shkollës “Vasil Shanto”” plus 8 more |
- Mjeti përplas për vdekje të moshuarën pranë shkollës “Vasil Shanto”
- Dedikimi prekës i vajzës së Dritëroit: Jetën do të ta jepja ty
- Elsa e “Victoria’s Secret” shfaq linjat perfekte në Meksikë
- Ryshfet policit se nuk kishte vendosur rrip sigurimi, arrestohet i riu
- Guvernatorit amerikan i bie të fikët gjatë fjalimit
- Senati miraton Rex Tillersonin si Sekretar Amerikan të Shtetit
- Kosova asnjë helikopter, Serbia e para në rajon
- Vuçiç do t’i kërkojë sqarim Thaçit, për futjen ROSU në veri
- Njihuni me fisin tribal të izoluar nga bota
Mjeti përplas për vdekje të moshuarën pranë shkollës “Vasil Shanto” Posted: 23 Jan 2017 11:50 PM PST Një aksident me pasojë vjekjen e një personi është regjistruar në orët e mëngjesit të sotëm një kryeqytet. Ngjarja ka ndodhur pranë shkollës "Vasil Shanto", ku një automjet ka përplasur për vdekjen një këmbësore ndërsa kalonte rrugën. Viktima është një grua e moshuar, identiteti i të cilës nuk dihet ende. “Më datë 24.01.2017, Bulevardi “Gjergj Fishta”, në afërsi të urës tek ish stacioni i fundit i Tiranës së Re, drejtuesi i automjetit tip “Renault”, shtetasi Sh. S., 23 vjeç, ka aksidentuar shtetasen, rreth 75 vjeçare, e cila ka gjetur vdekjen e menjëhershme si pasojë e goditjes. Grupi hetimor në vendin e ngjarjes po punon për zbardhjen e rrethanave të aksidentit dhe për identifikimin e viktimës”. Policia e mbërritur në vendngjarje ka shoqëruar drejtuesin e mjetit për marrjen në pyetje lidhur me aksidentin. Të parët për lajmin e fundit. Ndiqni Oranews.tv në Facebook dhe në Twitter |
Dedikimi prekës i vajzës së Dritëroit: Jetën do të ta jepja ty Posted: 23 Jan 2017 11:49 PM PST Shkrimtari i madh shqiptar Dritëro Agolli duket se po kalon ditë të vështira. Duket dhe në dedikimin e ndjerë që e bija e tij Elona Agolli ka bërë në facebook. Babushi im më ndje; e di që ti në këtë orë lufton me errësirën, pasi ti e urren atë. Ti pret dritën– shkruan ajo mes rreshtash në të cilën thuhet se nëse jeta do mund të dhurohej, ajo do ia jepte atij Babushi im më ndje; e di që ti në këtë orë lufton me errësirën, pasi ti e urren atë. Ti pret dritën. Unë jam me pjellën time tani, në një botë krejt ndryshe nga e jona, në një botë ku konsumohet e gëzohet; e ndërsa ti, i përhumbur mendon sesi do të jetë ajo botë e përtejme, ku mbizotëron errësira, ajo çka vështirë për ty si ateist, të mendohet e bukur dhe shpresëdhënëse. Ati im më ndje; unë jam me Luelin e duhet të jem e gëzuar në sytë e tij, paçka se zemra pikon lotë, paçka se mendjen e kam tek ti. Të dua shumë ati im. Nëse do të mund të dhurohej jeta, unë do ta jipja për ty; nëse do të mund të transferohej gëzimi, unë do të bëja çmos të të lumturoja. Sot të bleva një shishe bojë e një pompë për stilografin tënd. Siç ma dhe porosinë para se të nisesha. Kur të kthehem, do të t'i tregoj dhe e di që do kënaqesh. Do mbushësh penën tënde, që aq ka gërvishur letrën e aq vargje e radhë ka shkruar. Të dua shumë Ati im" Të parët për lajmin e fundit. Ndiqni Oranews.tv në Facebook dhe në Twitter |
Elsa e “Victoria’s Secret” shfaq linjat perfekte në Meksikë Posted: 23 Jan 2017 11:43 PM PST Ajo ka trupin më perfekt në planet. Super modelja e "Victoria’s Secret", Elsa Hosk ka shijuar të shtunën në plazhet e mrekullueshme më rërë të bardhë të Meksikës. Bukuroshja 28 -vjeçare ka shfaqur linjat e saj perfekte e veshur me bikini të bardha.
Të parët për lajmin e fundit. Ndiqni Oranews.tv në Facebook dhe në Twitter |
Ryshfet policit se nuk kishte vendosur rrip sigurimi, arrestohet i riu Posted: 23 Jan 2017 11:38 PM PST Një 24-vjeçar nga Delvina është arrestuar nga policia me akuzën e mitëdhënies. Leo Majko u vu në pranga pasi i ka ofruar ryshfet punonjësit të policisë rrugore për t’iu shmangur masës administrative. "Arrestimi i tij u bë në qytetin e Delvinës pranë vendit të quajtur “Ura e Gajdarit”, pasi ky shtetas duke drejtuar mjetin e tij tip Citroen me targë ZZB 5382, ka tentuar ti japë 2000 lekë (të rinj) punonjësit të policisë së qarkullimit rrugor, me qëllim që t’i shmangej masës administrative pasi po qarkullonte pa rrip sigurimi". Materialet në ngarkim të tij i janë referuar Prokurorisë për hetime të mëtejshme. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Guvernatorit amerikan i bie të fikët gjatë fjalimit Posted: 23 Jan 2017 11:30 PM PST Parlamenti lokal i shtetit të Minnesotas në SHBA u alarmua të hënën teksa Guvernatorit, Mark Dayton, i ra të fikët gjatë fjalimit. Demokrati 69-vjeçar sapo kishte kthyer shishen me ujë dhe po përgatitej të vazhdonte me fjalimin kur ra mbi podium. Kolegët u lëshuan menjëherë drejt tij duke e marrë dhe kaluar në një dhomë tjetër. Ende nuk ka një informacion mbi gjendjen e tij shëndetësore. Ky është rasti i dytë që i bie të fikët Gurnatorit, pasi një skenë e ngjashme i ndodhi në shkurt të vitit 2016 gjatë një aktiviteti. Asokohe ai u shtrua në spital. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Senati miraton Rex Tillersonin si Sekretar Amerikan të Shtetit Posted: 23 Jan 2017 11:07 PM PST Senati i Shteteve të Bashkuara mbrëmë vonë me lehtësi e ka konfirmuar Mike Pompeo për drejtor të CIA-s, ndërsa Komiteti për marrëdhënie të jashtme i Senatit me vetëm një votë më tepër e miratoi Rex Tillersonin për sekretar amerikan të shtetit. Të dy këta kandidatë janë nominuar nga presidenti, Donald Trump. Senati votoi 66 për dhe 32 kundër, që ish-kongresisti, Mike Pompeo, të bëhet drejtor i ri i agjencisë CIA. Nga ana tjetër, në Komitetin për marrëdhënie të jashtme të Senatit, për zotin Tillerson votuan 11 vetë, ndërsa kundër tij ishin 10 anëtarë të këtij komiteti. Kryesuesi i komitetit, Bob Corker, tha se "nuk ka dyshim" se Tillerson është kandidat i mirë dhe e ka përmendur punën e tij udhëheqëse në korporatën energjetike, Exxon Mobil. Por, senatori demokrat, Ben Carden, tha se e kundërshton Rex Tillersonin në bazë të përgjigjeve të tij në pyetjet lidhur me sanksionet kundër Rusisë dhe çështjet e tjera të rëndësishme globale, që më tepër tingëllonin sikur përgjigjej një ekzekutiv biznesor e jo një sekretar i ardhshëm i shtetit. Megjithatë, Tillerson pritet që do të konfirmohet në përbërjen e plotë të Senatit, ku republikanët e kanë shumicën prej 52 anëtarëve./REL/ Të parët për lajmin e fundit. Ndiqni Oranews.tv në Facebook dhe në Twitter |
Kosova asnjë helikopter, Serbia e para në rajon Posted: 23 Jan 2017 01:48 PM PST Derisa në Kosovë ende po diskutohet për kohën se kur shteti ynë do ta pajiset me helikopterin e parë, vendet fqinje tashmë kanë një numër të konsiderueshëm të helikopterëve. Derisa Serbia është e "forta" e rajonit, më 61 helikopterë, pas saj radhitet Maqedonia, e cila posedon 24 helikopterë, për të vazhduar më pastaj me Shqipërinë e cila i ka 22 helikopterë. Pastaj në radhë është Malin e Zi, shtet i cili ka gjithsej 20 helikopterë. Shqipëria Sipas faqes së specializuar për forcat ajrore – AirHeadFly, Shqipëria ka në dispozicion 22 helikopterë, që kryesisht i përdor për misione të kërkim – shpëtimit dhe misione të tjera jo luftarake. Helikopterët më të vlefshëm që i posedon Armata shqiptare, janë të tipit Couger. Gjithsej shteti shqiptar disponon me 4 helikopterë të tipit Couger AS532AL, transmeton RTV Dukagjini. Një helikopter i tillë vlerësohet rreth 15 milionë euro, derisa ai mund të bartë 23 persona. Gjithashtu, Forcat e Armatosura kanë në dispozicion 8 helikopterë të lehtë të prodhimit gjerman BO 105, si dhe 8 helikopterë të prodhimit Amerika – Agusto Bell, tre prej tyre të serisë 205 si dhe pesë të tjerët janë të serisë 206. Shteti shqiptar ka në dispozicion edhe një helikopter të tipit Agustaëetland A109, një helikopter të tipit VIP, të Airbus Helicopters EC 145. Regjimenti i helikopterëve në Shqipëri është formuar në vitin 1967, ku aso kohe kjo armatë posedonte 36 helikopterë, ndërsa baza kryesore është ajo e Farkës. Ushtria shqiptare po punon që në vitin 2018 të vë në dispozicion të NATO-s edhe dy helikopter, që do të përdoreshin edhe për intervenime luftarake. Maqedonia Sipas të dhënave të ueb-faqes së Ushtrisë të Maqedonisë, të dhëna të përditësuara në vitin 2012, ky shtet ka gjithsej 24 helikopterë, prej të cilëve një ishte rrëzuar në vitin 2008. Më 1994, Maqedonia u pati pajisur me 4 helikopterë të tipit MI 17. Derisa në vitin 2001, fqinji jugor bleu edhe 10 helikopterë të tpit MI-24. Policia maqedonas, po ashtu, ka helikopterë të veçantë që përdoren për operacione të shpëtimit, kërkimit si dhe reagime në rast të konflikteve. Por, nuk ka të dhëna sa është numri i saktë i tyre. Serbia Shteti i Serbisë është më i "fuqishmi" ndër shtetet e rajonit me të cilat kufizohert Kosova, sa i përket forcës ushtarake ajrore. Vetëm ushtria serbe, ka në dispozicion 61 helikopterë të njohur si Gazela, nëpër bazat ajrore në Nish, Batajnicë dhe Ladjevicë, transmeton RTV Dukagjini. Këta helikopter, ushtria i përdorë edhe për shpëtim, zbulim, por edhe për luftë. Megjithatë, vet ushtria, ka edhe helikopterë transportues në dispozicion, prej tyre ka të tipit MI 17 dhe MI 8 prodhim rus. Derisa vitin e kaluar ka blerë nga Rusia edhe dy helikopterë të llojit MI 17 V5. Edhe policia serbe ka një numër të konsiderueshëm të helikopterëve, por nuk është bërë i ditur sa janë ata. Kjo njësi e helikopterëve, sipas ueb-faqes zyrtare të policisë serbe, ka në dispozicion helikopterë të vegjël që mund të bartin 4 pasagjerë si dhe helikopterë që njihen si të mesëm, që kanë kapacitet të bartin deri në 12 pasagjerë. Serbia me 29 dhjetor të vitit të kaluar, ka arritur marrëveshje me "Airbus Helikopter", që të pajiset edhe me 9 helikopterë tjerë, prodhim i kësaj kompanie. Mali i Zi Policia malazeze ka në dispozicion helikopterë jo-luftarak, që kryesisht përdoren për kërkim dhe shpëtim. Këta helikopter janë të tipit 40-HCC si dhe 40HK, derisa nuk ka informacione për numrin e tyre. Gjithashtu, derisa Kosova po bën plane blerjen e helikopterëve të parë, shtetet fqinje kanë edhe aeroplanë, brenda forcave ajrore të tyre. /RTV Dukagjini Të parët për lajmin e fundit. Ndiqni Oranews.tv në Facebook dhe në Twitter |
Vuçiç do t’i kërkojë sqarim Thaçit, për futjen ROSU në veri Posted: 23 Jan 2017 01:45 PM PST Kryeministri serb Aleksandar Vuçiç ka folur për mediat serbe duke komentuar takimin e nesërm në Bruksel mes Kosovës dhe Serbisë, që do të mbahet në nivel kryeministrash dhe presidentësh të të dyja vendeve. Sipas "B92", kryeministri në një konferencë të përbashkët me Këshillin e Ministrave të Bosnjës dhe Hercegovinës ka thënë se pret mesazhe të qarta nga ky takim, por edhe se këto mesazhe do të dalin nga proces i vështirë i dialogut. "Do të pyes përfaqësuesit e Bashkimit Evropian që të mos mbështesin sjelljen e parave dhe armëve në vendet ku nuk përkasin", ka thënë kryeministri serb, duke iu referuar dërgimit të forcave speciale "ROSU" në veri të vendit, ditën kur Serbia kishte nisur një tren ilegal nga Beogradi në Mitrovicë. Kryeminsitri serb, ka shtuar se të gjitha këto çështje që ka ndodhur gjatë kësaj kohe do të jenë temë e takimit të nesërm. "Megjithatë nuk pres shumë nga takimi i nesërm, por presim që situata të qetësohet dhe të dalim me mesazhe të qarta", citohet të ketë thënë kryeministri serb. Të parët për lajmin e fundit. Ndiqni Oranews.tv në Facebook dhe në Twitter |
Njihuni me fisin tribal të izoluar nga bota Posted: 23 Jan 2017 01:39 PM PST Në zonat e thella të Bangladeshit, jetojnë fise të izoluara që kanë shumë pak kontakte me botën. Fotografi Remham Asad, ka kaluar rreth një javë në rrethin Bandarban, një nga tre fisnore të populluara në juglindje të vendit. Fisi Murongs bën një jetë tërësisht të egër, pasi ushqehen me derra, qen, dhi, lopë, tigra, e kafshë të tjera. Ushqimi i veçantë i tyre është Nappi, një lloj orizi i përzier me dhjamë të thartuar peshku, bretkose, dreri apo derri. Banesat e tyre janë nga bambutë, ndërsa çdo shtëpi sipas versionit të tyre, kanë tre ose më shumë dhoma. Ata nuk kanë mobilje, as energji elektrike, ndërsa flenë në tokë.
Të parët për lajmin e fundit. Ndiqni Oranews.tv në Facebook dhe në Twitter |
You are subscribed to email updates from Ora News. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: